Situata e zjarreve në Greqi ka qenë shumë problematike. Forcave të Shërbimit Zjarrfikëse të Greqisë i janë bashkuar edhe Forcat e Armatosura, Emergjencat Civile dhe Shërbimet Zjarrfikëse të Shqipërisë. Ka qenë vet Ministri i Mbrojtjes, Niko Peleshi, i cili ka falenderuar ekipet shtuese, ku ditën e djeshme ndërhyrja e tyre ka reduktuar flakët e zjarrit.
Ja çfarë ka shkruar ai;
Mirënjohje për ekipin e Forcave të Armatosura, Emergjencave Civile dhe forcat zjarrfikëse të bashkive të Korçës dhe Maliqit që me shumë profesionalizëm dhe vendosmëri janë angazhuar përgjatë këtyre 11 ditëve në operacionet e shuarjes së zjarreve në Greqi.
Ndërhyrja e djeshme e trupave tanë mbi fshatin Dadia, ka mundësuar reduktimin e zjarrit, eleminimin e rrezikut të banesave dhe shpëtimin e një ferme nga zjarri, ndërkohë vazhdon puna me intensitet për vënien në kontroll dhe shuarjen e të tjera vatrave.
