Ministri për Evropën dhe Punët e Jashtme, Ferit Hoxha, ka prezantuar objektivat kryesore të politikës së jashtme gjatë një seminari të qeverisë të zhvilluar në Pogradec, ku theksoi se integrimi në Bashkimin Evropian mbetet prioriteti kryesor i diplomacisë shqiptare.
Integrimi në BE dhe bashkëpunimi rajonal në fokus
Përmes një publikimi në rrjetin social X, kryediplomati shqiptar bëri me dije se takimi në Pogradec shërbeu si një moment analize të hollësishme për të përcaktuar hapat deri në fund të vitit. Hoxha nërmvijoi se vijimësia e procesit të anëtarësimit në BE kërkon një ritëm të shtuar dhe angazhim të plotë, ndërsa vuri theksin edhe te investimi i mëtejshëm në forcimin e bashkëpunimit rajonal për ta afruar Ballkanin Perëndimor më pranë Evropës.
Reforma në Shërbimin e Jashtëm dhe shërbimet konsullore
Pjesë e rëndësishme e prioriteteve të prezantuara është edhe modernizimi i shërbimeve konsullore për t’i bërë ato më të shpejta e të aksesueshme për qytetarët. Po ashtu, ministri Ferit Hoxha nërmvijoi vijimin e reformës në Shërbimin e Jashtëm me synim ndërtimin e një trupe diplomatike meritokratike dhe profesionale, e cila do të rrisë ndikimin e imazhit të vendit, si dhe do të nxisë lidhjet ekonomike e tregtare.
