Vitet e fundit fshatrat që deri më dje braktiseshin masivisht nga banorët për një jetë më të mirë po rigjallërohen.
Edhe Verçuni apo Grunjasi siç njihet zyrtarisht nuk i shpëtoi shpopullimit nga banorët të cilët u larguan drejt zonave urbane për një jetë më të mirë.
Por tashmë ky fshat jovetëm që po ripopullohet nga banorët, por këta të fundit po investojnë në rindërtimin e banesave të tyre.
Xhevairi i parë për zhvillimin e turizmit është hapur prej disa vitesh dhe ka për iniciator Genti Peren, një djalë i këtij fshati i cili mendoi që të futë zonën në hartën e fshatrave turistikë.
Pranë rezervuarit artificial të fshati ai ka ngritur fermën Galea në të cilën ofron shërbim për turistët vendas dhe të huaj kryesisht me gatime tradicionale të zonës.
Jovetëm kaq por aty ke mundësinë të përfitosh edhe një guidë turistike për të parë disa nga zonat më të bukura natyrore dhe historike të fshatit.
Falë këmbënguljes dhe insistimit për të zhvilluar agroturizmin, falë edhe investimit të bërë së fundmi në asfaltimin e rrugës që të çon drejt fshatit tashmë çdo gjë ka marrë udhë.
Banorët masivisht janë rikthyer dhe po investojnë në shtëpitë e tyre, shumë prej tyre po mendojnë rikthimin përfundimtar në fshat ndërsa të tjerë po hedhin në letër mënyrën se si do të ofrojnë shërbim për turistët që do të shkojnë atje.
Këtë vit ka pasur numër të komsiderueshëm të huajsh që e kanë vizituar fshatin falë edhe infrastrukturës, ndërkohë që nga ana e pushtetit lokal është projektuar shtrimi me kalldrëm i rrugëve dhe sistemimi i ujrave të zeza në mënyrë që fshati të arrijë të ofrojë kushte optimale për vizitorët.
