Shumë vite më parë kur u ndërtuan ishin dy prej godinave më të frekuentuara nga ku gëlonte jeta, turizmi dhe mbrëmjet me vallzime, por sot janë veçse dy ngrehina të frikshme të cilat kanë marrë funksionin e antireklamës.
Bëhet fjalë për dy godinat ngrehina, ajo e Turizmit të vjetër dhe Oktapodit. Dikur kryelarta dhe plot gjallëri dhe sot dy “varreza” të cilat janë amortizuar dhe kthyer edhe në streha narkomanësh.
Me ardhjen e demokracisë ato e humbën funksionin e tyre, për shumë vite me rradhë pronarët u orvatën dyerve të hipotekës për ti privatizuar, ja arritën dhe më pas i lanë të lëngojnë.
Prej pak kohësh janë shitur tek një biznesmen i fuqishëm shqiptar i cili do realizonte një investim dinjitoz aty, por burimet për kolibrin thanë se biznesmeni e ka prishur muhabetin me Ramën dhe nuk po merr dot as lejen e zhvillimit apo miratimin e projektit.
Por ky “sherr” mes Ramës dhe biznesmenit sigurisht që i ka pasojat tek turizmi i Pogradecit. Këto godina janë aq të shëmtuara dhe të frikshme saqë nuk ka turist vendas dhe të huaj të mos ketë shkrepur një foto aty dhe ta publikojë si emergjencë që kërkon zgjidhje.
Më e frikshme është situata pasi ato janë han pa porta, të hapura në çdo drejtim dhe të rrezikshme, sidomos për fëmijët që futen brenda pa e ditur të keqen që u kanoset.
Por nëse futesh brenda zëre sikur ke hyrë në botën e “narcos” pasi në dysheme do gjesh shiringa dhe zjarre që i ndezin personat që konsumojnë drogë.
Bashkia duket e pafuqishme për t’i dhënë zgjidhje pasi edhe psenë shitjen e tyre pati një fije shprese se situata do të ndryshojë, porse “sherri” Rama-Biznesmen nuk po e lejon ndryshimin e zonës. E vetmja gjë që ka mbetur tashmë është ti bëjnë “muze” dhe në këtë formë të paktën justifikohet shëmtia e tyre.
