Shqiptarët dhe jo vetëm edhe këtë vit kanë zgjedhur Korçën për të kaluar festën e Krishtlindjes.
Burime të siguruara pranë operatorëve turistike të bashkisë së Korçës bëjnë të ditur se 98% e hoteleve, bujtinave dhe shtëpive pritëse janë të rezervuara nga data 23-25.
Të njëjtat burime bëjnë me dije se në fshatrat turistike të Dardhës dhe Voskopojës për këto data rezervimet janë 100%, çka tregon se Korça dhe fshatrat turistike mbeten më të kërkuarit.
Kjo vërehet dhe nga platforma e rezerimeve booking, aty ku nuk ka më hapsira për të pronetuar dhoma apo qoftë dhe apartamente në këto data.
Operatorët turistikë në Korçë, Dardhë e Voskopojë bëjnë të ditur se edhe për datat 30,31 dhe 1 Janar janë të rezervuara masivisht.
Ndryshe nga vitet e tjera këtë vit rezervime të shumta kanë ardhur nga shqiptarët që jetojnë në Greqi por dhe vende të tjera të BE.
Këtë vit rezervimet për shkak të rritjes së kapaciteteve akomoduese ka edhe në fshatin turistik Boboshticë si dhe Pazarin e Vjetër të Korçës.
