Është e vërtetë që Maliqi ka nxjerrë shumë futbollistë cilësore, njëri prej tyre është edhe Agron Jaçe.
Nëse ka një qytet në afërsi gjeografike që ka nxjerrë futbollistë më shumë se cilësorë, është Maliqi.
Vite më parë maliqarët vinin më këmbë për të ndjekur ndeshjet e futbollit në stadiumin “Skënderbeu”, madje kishte raste që ishin edhe më shumë në numër se tifozët bardhekuq.
Tifozët nga ky qytet kanë qënë historikisht mbështetësit kryesorë të Skënderbeu, por ky qytet, ka nxjerrë aq shumë futbollistë, sa vërtet edhe në Korçë ka shumë njerëz që thonë: “Pa maliqarë nuk ka Skënderbe”.
Sigurisht që në dekladat e kaluara numri i tyre ishte shumë i madh, ndërkohë që një prej lojtarëve më shumë se cilësorë është edhe Agron Jaçe. Padiskutim një futbollist potent në atë kohë, me grintë dhe kualitet të jashtëzakonshëm.Gonia siç i thërrasin të gjithë i ka dhënë shumë Skënderbeut dhe në fakt jo vetëm ai por gjithë ai brez pak ka fituar nga futbolli i luajtur.
Sot, Agron Jaçe është afërsisht të 60-ve dhe përpara disa ditësh e pamë në fushë me fanelën e Skënderbeut, në triangolaren e veteranëve. Na nxorri mallin e viteve të kaluara, ku të gjithë thërrisnin në stadium, Jaçe-Jaçe.
Oadiskutim, Agron Jaçe është edhe ai një legjendë dhe historia e Skënderbeut.
Faleminderit për gjithë atë mund e djersë që keni derdhur për fanellën bardhekuqe.
