Rikthehen reshjet e dëborës në zonat malore të juglindjes së vendit.
Reshje që kanë sjellë probleme në qarkullimin e mjeteve në fshatrat e njësive administrative të zonave të thella.
Me probleme paraqitet aksi rrugor Bellovodë – Vithkuq – Shtyllë – Panarit. Në këtë zonë trashësia e dëborës ka shkuar deri në 7 cm ndërkohë që në majë të Mashkullorës trashësia ka shkuar deri në 15 cm.
Qarkullimi në fshatrat turistik të Voskopojës e Dardhës është normal por drejtuesit e policisë rrugore u kërkojnë drejtuesve të mjeteve që përdorin këto akse të kenë mjetet e pajisur me goma dimërore.
Reshje dëbore ka pasur edhe në fshatrat malore të Kolonjës dhe Devollit të Sipërm por nuk raportohen probleme përsa i përket qarkullimit të mjeteve.
Nga ana tjetër sipas OSSHE nuk ka pasur probleme masive me furnizimin me energji elektrike përfshi këtu dhe zonat malore ku e reshjet e dëborës kanë qenë më të dendura.
Probleme me energjinë elektrike janë hasur në fshatin turistik të Vithkuqit. Grupet e punës të OSSHE janë në terren për të rikthyer energjine elektrike.
Firmat kontraktore të akseve Korçë, Qafë e Qarrit, Voskopojë e Dardhë janë në gatishmëri për të mbajtur këto rrugë nacionale të kalueshme.
Sipas sinoptikanëve temperaturat në juglindje të vendit pritet të shkojnë deri në – 7 gradë celsius.
Në këto kushte, sektori i qarkullimit rrugor apelon për kujdes të shtuar ndaj drejtuesve të mjeteve ne veçanti në akset e zonave malore, aty ku prezenca e akullit pritet të jetë më e madheReshjet e dëborës në zonat e thella malore kanë sjellë ndërprerje të energjisë elektrike në 150 familje të fshatrave Cerje, Brozdovec, Mazrekë, si dhe në fshatrat që furnizohen me energji elektrike nga fidri i fshatit Rehovë.
