Korçë
Një 40 vjeçar gjendet i pajetë në dhomën e një hoteli në lagjen 12 të qytetit.
Burime policiore bëjnë me dije se 40 vjeçari është nga Tirana dhe se nuk dihen ende shkaqet e vdekjes së tij.
Policia është në vendngjarje bashkë me grupin hetimor dhe po punojnë për zbardhjen e rrethanave.
Janë duke u marrë në pyetje edhe punojës të hotelit në lidhje me ngjarjen ndërkohë që trupi do të transportohet drejt morgut për t’iu nënshtruar autopsisë mjeko-ligjore.
Informacion paraprak
Në lagjen nr.12, Korcë, në një banesë të marrë me qira, është gjetur i pajetë nga punonjësja për mirëmbajtjen e banesës, shtetasi O. R. 36 vjeç, banues në Tiranë.
Nga këqyrja paraprake e trupit nuk janë konstatuar shenja dhune dhe dyshohet se ky shtetas ka humbur jetën për shkaqe natyrale.
Grupi hetimor, në drejtimin e Prokurorisë, po vijon punën për zbardhjen e shkakut të humbjes së jetës dhe për sqarimin e rrethanave të rastit.
