Deputetja socialiste Blerina Gjylameti është zgjedhur si zëvendës-presidente e Asamblesë Parlamentare të Këshillit të Evropës.
Gjylameti, e cila njëkohësisht kryeson delegacionin shqiptar në KiE, u zgjodh në mbledhjen e sotme të Asamblesë, duke marrë edhe pozitën e lartë.
“E vlerësuar për besimin e kolegëve deputetë në Asamblenë Parlamentare të Këshillit të Evropës në zgjedhjen time unanimisht si Zëvendës Presidente e Asamblesë”, tha ajo menjëherë pas vendimit.
Po ashtu, shtoi se ky post i rëndësishëm është një tjetër konfirmim i besimit dhe vlerësimit që gëzon Shqipëria sot në arenën ndërkombëtare për të kontribuar në konsolidimin e demokracisë, të drejtave të njeriut dhe shtetit të së drejtës.
Ajo tha se me marrjen e kësaj detyre te lartë në Asamblenë Parlamentare të Këshillit të Evropës, ku ulen delegacionet kombëtare të 46 vendeve anëtare të kontinentit evropian, së bashku me delegacionin e Shqipërisë, do të vijojë angazhimet për forcimin e vlerave demokratike si dhe për të çuar përpara agjendën e anëtarësimit të Kosovës në KiE.
Me marrjen e kësaj detyre te lartë në Asamblenë Parlamentare të Këshillit të Evropës, ku ulen delegacionet kombëtare të 46 vendeve anëtare të kontinentit tonë, Gjylameti pritet të luajë një rol të rëndësishëm në promovimin e mëtejshëm të parimeve dhe vlerave të Këshillit të Evropës.
