Një projektvendim i hedhur për konsultim publik nga Bashkia Pogradec ka shkaktuar irritim tek banorët e fshatit Zagorçan(Guras).
Banorët kanë kundërshtuar hapjen e një pike të tillë në fshatin e tyre me pretendimin se ndotet ambienti.
Këtë të hënë këshilltarë të këshillit bashkiak u paraqitën në fshat për dëgjesë publike por kanë hasur në kundërshti të forta nga banorët, të cilët u shprehën kategorikisht kundër duke thënë se ndotet ambienti dhe ujrat.
Nga ana tjetër bëhet me dije se nuk kemi të bëjmë me mbetje urbane pasi ato dërgohen në landfillin e Maliqit por me mbetje të ngurta.
Sot për sot Pogradeci nuk ka një pikë të miratuar për këto mbetje dhe ato hidhen kuturu nëpër lumenj dhe zona kodrinore. Bashkia ka menduar që ato ti grumbullojë tek ish gurorja në Zagorçan.
Mbetet për tu parë se si do të vijohet me dëgjesat pasi pas tyre pritet që ky projektvendim të kalojë në këshill bashkiak, ndërsa banorët thanë se do vijojnë protestën dhe nuk do lejojnë grumbullimin e inerteve në zonën e tyre. Krah tyre është rreshtuar edhe Partia Demokratike Dega Pogradec.
