Jo më larg se sa mbrëmë një aksident i frikshëm u shënuan në këtë aks rrugor pranë fshatit Belorta, jeta e një 36 vjeçari u shua ndërsa 4 të tjerë u plagosën rëndë mes tyre gra e fëmijë.
Sigurisht që në këtë shkrim nuk duam të heqim përgjegjësitë e drejtuesve të mjeteve, shkeljen e rregullave të qarkullimit rrugor, shpëjtësinë, gjendjen teknike të mjeteve etj. Por nëse shteti do të funksionojë si duhet, sigurisht që “halle” të tilla do të zvogëlohen. Por A-ja e gjithë kësaj zallamahie rrugore janë kryqzimet dhe mungesa e sinjalistikës së duhur vertikale, horizontale dhe ndriçimi në shumë kryqëzime.
“Duhet thënë se segmenti rrugor nga Dishnica deri në Plasë mbetet burim aksidentesh madje në shumë raste dhe me viktima, e gjithë kjo vjen për shkak të mungesës së sinjalistikes rrugore dhe ndriçimit në kryqëzimet e këtij segmenti që e për policinë janë “njolla të zeza”.
Kjo problematikë është ngritur vazhdimisht nga mediat por reagimi i autoritetit rrugor ka qenë minimal, deri në Bilisht mungojnë nënkalimet apo mbikalimet, ashtu si shumica e parcelave bujqësore kanë krijuar hyrje dhe dalje të paligshme duke qenë potencial i madh i aksidenteve me pasoja.
Është koha që ARRSH të zgjohet dhe të nisë aksionet e inspektimit në këto akse rrugore të mbyllë menjëherë hyrje daljet e paligjshme dhe të shtojë sinjalistikën vertikale dhe horizontale.
Kolibri.al
