Vijon të jetë i lartë numri i kërkesave për divorc të depozituara pranë gjykatës së Korçës.
Burime pranë kësaj gjykate bëjnë të ditur se gjatë vitit 2022 janë depozituar 398 kërkesa ndërkohë që në vitin 2023 ka pasur 402 depozitime për zgjidhje martesash.
Nga Maji i vitit të kaluar kërkesat e depozituara pranë gjykatës së Pogradecit janë transferuar për shqyrtim gjykatës së Korçës pasi gjykata e qytetit liqenor është e mbyllur tashmë.
Te njëjtat burime thanë se numri më të lartë të kërkesave për divorc vijnë nga zonat rurale ndërkohë që kërkesat janë më të stabilizuara në Korçë e Pogradec.
Dy janë arsyet e kërkesave për zgjidhje të martesave, së pari emigracioni e së dyti tradhtia. Ekspertët e fushës shtojnë se ka raste por më të pakta në numër të dhunës nga ana e bashkëshortit ndërsa rastet janë në ulje për zgjidhje martese për shkak të kushteve ekonomike.
Nga ana e gjykates bëhet e ditur se në shumë raste tradhtia vjen nga bashkëshortët të cilët kanë krijuar lidhje të tjera në emigracion. Një problem jo i vogël mbetet detyrimi që bashkëshortët kanë për fëmijët e tyre pas divorcit
