Mësonjtorja e dytë shqipe pas Korçës është hapur në Pogradec, një javë më pas më 14 Mars të vitit 1887 nga Koço Sotiri. Por krahas shkollës shqipe në qytetin liqenor funksionoi edhe shkolla e vashave e drejtuar nga një grua, Persefoni Treni.
Prej vitit 1887 dhe deri në 1920, Pogradeci ka lënë gjurmë në rrugën e arsimit dhe për të konkretizuar këto përpjekje të kohës studiuesi i historisë Niko Kotherja solli në këtë qytet një ekspozitë me dokumenta, fotografi dhe libra të cilët materializojnë këto përpjekje për arsim në qytetin liqenor.
Për Entela Gushon si një arkiviste në profesion, dokumenta dhe fotografi të tilla janë një moment shumë interesant për tu studiuar por edhe për tu njohur me këtë pjesë të historisë kryesisht brezat e rinj, të cilët duhet të kuptojnë qartë përpjekjet heroike të bëra për të mësuar shqip.
Ekspozita dokumentare krahas dorëshkrimeve dhe fotografive kishte si pjesë të saj edhe librat e përdorur për të musar shqipen, që nga abetarja e Sami Frashërit dhe libra të tjerë. Kjo ekspozitë u çel në kuadër të 137 vjetorit të shkollës shqipe në Pogradec.
