Sajmir Çili, artisti i njohur ka denoncuar dhe ironizuar ish presidentin Ilir Meta, i cili sot po udhëton drejt Korçës.
Në vitin 2021 presidenti i asaj kohe ka dekoruar një restorant në zonën e Freskut me dekoratën e rëndësishme “Mjeshtër i madh”.
Postimi i plotë i artistit
Skandaloze!
Si shumë skandale në dhënien e titujve!!!
Restorant Fresku, më 07.04.2021 paska marrë nga Presidenti Ilir Meta titullin “Mjeshtri i Madh” !!!
Citt; Prill – Maj rakisë mos ju ndaj
Kur isha Drejtor i Cirkut Kombëtar, i jam drejtuar me shkresë zyrtare Nr.321.Prot (Cirku Kombëtar) Presidentit të asaj kohe I. Meta Nr.3911.Prot (Presidence), për dhënien e titullit “Mjeshtër i Madh” institucionit të Cirkut Kombëtar si dhe disa artistëve që kanë një jetë që i kanë dhuruar spektatorit artdashës të Tiranës dhe jo vetëm, art, buzëqeshje e argëtim dhe janë duartrokitur për vite merradhë.
Dhe sigurisht skish si të ndodhë ndryshe, nga Presidenca asnjë sinjal pozitiv.
Sepse, u dukën bathët, nuk dilnin llogaritë për qokat për PSEUDO-ARTISTËT dhe MEJHANET preferenciale.
Sa Turp! Jetojmë në Albanistan!
Ah o Populli im sa shprehje të bukura ke nxjerrë nga urtësia jote;
“U ulën malet dhe u ngritën haletë”!
Ps; Nuk po përmend emra të tjerë me soj e sorrollop folklorik që kanë marr tituj fushatash e krahinash preferencial…
