Të jesh peshkatar në Pogradec duket si diçka e thjeshtë. Gjithkush mendon se është një lloj pune pa lodhje dhe pa sakrificë. Të bësh pazar për të blerë Koranin pastaj është pjesa që atyre iu dhemb më tepër. Të gjuash koran me lundrues është një sfidë më vete, në stinë dhe kohë të ndryshme edhe e pamundur. Ndaj mos u ankoni kur e blini tek këta peshkatarë.
Për ata që nuk e dinë peshkatarët zgjohen në orën 01.00 të mëngjesit, bëjnë gati pajisjet dje rreth orës 02.00 futen në liqen, mes errësirës dhe temperaturave të ulta edhe në verë.
Hedhin grepat lundrues për gati 30-40 minuta dhe më pas vetëm duhet të presin me shpresë se korani do i bjerë grepit dhe lundrimi me varkë vijon për orë të tëra.
Në ditë vere është pak më e lehtë, por në vjeshtë e dimër kur liqeni fryn veri është një torturë më vete, pasi veç të ftohtit duhet të përballesh edhe me dallgët dhe rrymat e forta.
Ngritja e grepave bëhet pa lindur dielli, pasi shfaqja e dritës e largon koranin në thellësi.
Ka ditë që dalin me dy apo tre kile, ka ditë dalin edhe bosh fare dhe nuk çojnë asgjë në shtëpi.
Prandaj kur të blini koran herës tjetër rikujtojini këto dhe mos bëni pazar për ulje çmimi.
kolibri.al
