11 mijë turistë kanë vizituar Muzeun e Artit Mesjetar në Korçë gjatë 5 muajve të parë të këtij viti.
Drejtoresha e këtij muzeu Fjoralba Prifti shprehet se ka një dyfishim të numrit të turistëve të huaj në krahasim me të njëjtës periudhë të një viti më parë.
Turistët që kanë vizituar muzeun gjatë këtyre 5 muajve kanë qenë nga gjithë vendet e BE dhe jo vetëm
Dy turistë italianë shprehen të mrekulluar me atë çka kanë gjetur në këtë muze.
“Erdhëm në këtë muze sepse ndoqëm guiden online.
Muzeu është shumë interesant, shumë tërheqës, ka pafund ikona, guida me muzikë që të shoqëron gjithë kohën dhe të jep informacion e bën këtë muze fantastik”- u shpreh turistja italiane.
“Erdha në këtë muze pasi bëmë një xhiro nëpër Shqipëri. Është hera e dytë në Shqipëri por hera e parë në Korçë. E gjetëm online muzeun. Unë nuk i njoh fare ikonat por kurioziteti është një mënyrë për të njohur kulturën shqiptare dhe jo vetëm“- u shpreh turisti.
Krahas 400 ikonave që janë të ekspozuara për turistët vendas e të huaj, vijon të jetë e hapur për vizitorët edhe ekspozita me 13 ikona të Johan Pagëzorit.
