Komisioni i Disiplinës pranë FSHF-së, publikoi dje vendimet për shkeljet në ditët që lamë pas.
Më së shumti ka dënime te moshat, por ajo që vihet re është bllokimi i merkatos së Skënderbeut për tre sesione.
“Panorama Sport” mëson se masa kundrejt korçarëve është vënë për shkak të një borxhi të mbartur kundrejt Leonit Abazit.
Mbrojtësi gjilanas ka luajtur me Skënderbeun në periudhën 2013-2019. Gazeta mëson gjithashtu se bëhet fjalë për një borxh prej rreth 21 mijë eurosh.
* KF Skënderbeu, për dështim në ekzekutimin e vendimit nr. 20, datë 28.02.2020 të Dhomës Kombëtare të Zgjidhjes së Konflikteve, vendoset ndalimi i regjistrimit të lojtarëve të rinj për 3 (tri) periudha regjistrimi deri në pagesën e plotë të detyrimit.
