Vangjel Zguro është zyrtarisht një “Dem i Kuq”. Mbrojtësi i Partizanit ka firmosur kontratë të vlefshme për 1 vit dhe është bashkuar me të kuqtë në Pogradec, që nga dita e djeshme.
Kështu Partizani ka plotësuar boshllëkun e lënë nga Atanaskoski. Ky i fundit u zyrtarizua disa ditë më parë në Rumani. Kujtojmë se Zguro bashkohet me “demat” si kampion, pasi u shpall me Strugën.
Njoftimi i Partizanit:
“FK Partizani njofton arritjen e marrëveshjes me Vangjel Zguron. Mbrojtësi i majtë bashkohet me të kuqtë pas eksperiencës pozitive në Maqedoninë e Veriut ku fitoj titullin kampion me Strugën. Zguro ka nënshkruar me të kuqtë një kontratë 1 vjeçare.
Në Shqipëri mbrojtësi pogradecar është aktivizuar me Korabin, Pogradecin, Luftëtarin, Kamzën, Kukësin, Skënderbeun dhe Bylis”, shkruan Partizani.
