Ohri, Pogradeci dhe Struga janë 3 qytete që lagen nga i njëjti liqen, por duket se të treja bashkitë nuk po arrijnë të finalizojnë një paketë të përbashkët për lëvizjen e turistëve. Edhe pse që prej 2011 u nënshkrua një marrveshje për lëvizjen me mjete lundruese në ujrat e këtij liqeni sipas kryetarit të komunës së Strugës Ramiz Merko, interesi ka qenë shumë i vogël.
Merko thotë se kompanitë e anijeve nuk po i zhvillojnë këto lëvizje pasi edhe interesi i qytetarëve nga të dyja anët e kufirit ka qenë mospërfillës, në kaq vite është bërë vetëm 1 lundrim në këto ujra.
Nga ana tjetër ndryshe nga Ohri dhe Struga, operatorët e Pogradecit e kanë vënë në punë paketën e përbashkët mes qyteteve, Ilir Xhakolli thotë se krahas projekteve të përbashkëta, operatorët shqiptarë kanë lidhur marrveshje me Ohrin për të çuar atje turistë të huaj kryesisht.
Një tjetër problematikë që nuk mundëson realizimin e lundrimit në liqen është edhe infrastruktura, Pogradeci dhe Struga kanë probleme me ankorimin e anijeve në mole, ashtu siç kanë edhe mungesë të tyre pasi operatorët në këto dy qytete nuk kanë investuar në këtë sektor.
