Ekipi kombëtar U20 në basketboll për femra, ka zgjedhur Pogradecin për të kryer fazën pregatitore në prag të ndeshjeve finale të kampionatit europian për këtë kategori moshe, kampionat që zhvillohet në Sofje të Bullgarisë.
Trajneri i ekipit tonë kombëtar U20 Klarent Dedaj tha se të gjitha lojtaret e ekipit tonë kombëtar vijnë nga ekipet e të rriturave të kampionatit tonë. Ai pranon se finalet e europianit U20 janë të vështira për ekipin tonë edhe sepse në grup kemi ekipe me një renditje shumë më të mirë, por do japim maksimumin.
Trajneri falenderon kryebashkiakun Ilir Xhakolli për mbështetjen që i ka dhënë ekipit në këtë fazë pregatitore.
Në të njëjtën linjë me trajnerin është edhe kapitenia e ekipit U20 kur thotë se kampionati është i vështirë, por vajzat janë gati për të dhënë maksimunin.
Në këto finale ekipi i vajzave të kombëtares është në grupin C me Greqinë, Blegjikën dhe Kroacinë.
