Kryetari i Partisë Socialiste dhe njëherësh kryeministër, Edi Rama, ka zbardhur diskutimet nga mbledhja me ministrat dhe drejtuesit politikë në Pogradec, ku ka kërkuar llogaridhënie mujore dhe angazhim të drejtpërdrejtë në territor për secilin anëtar të kabinetit dhe deputetët.
Fokus te shqetësimet e qytetarëve dhe koordinimi në terren
Gjatë fjalës së tij, Rama theksoi se fokusi kryesor i drejtuesve politikë dhe ministrave duhet të jetë zgjidhja e shqetësimeve të qytetarëve, duke kërkuar një prani dhe ndjekje më aktive të institucioneve në territor. Kryeministri nërvijëzoi nevojën për një koordinim më të madh ndërmjet deputetëve dhe drejtuesve politikë, me synim që analizimi i përbashkët i problematikave të përmirësojë funksionimin e strukturave.
Deklarata e kryeministrit për kontrollin e drejtorive
Kreu i qeverisë udhëzoi që çdo muaj të kryhet analizë e detajuar e punës së drejtorive në çdo qark. “Fiksimi jonë duhet të jetë shqetësimi i çdo qytetari. Drejtuesve politike duhet ti japim fuqi që ta ndjekin territorin aty dhe ministrave duhet ti japim detyrimin që cdo muaj të ndjekin personalisht të gjithë drejtoritë dhe nëse është një grup deputetësh, që fokusohet bashkë dhe i marrin në analizë bashkë, atëherë ndryshon gjeja”, deklaroi Rama.
Kjo analizë vjen pas takimeve të zhvilluara të kabinetit qeveritar dhe drejtuesve të PS-së në qytetin e Pogradecit.
