Pogradec
Një shtetas i huaj është gjetur i pa jetë në një banesë. Në vendngjarje mbrriti policia e Pogradecit ndërsa trupi i pajetë është transportuar në morgun e Pogradecit për ekspertizë mjeko-ligjore dhe zbardhjen e rrethanave të vdekjes.
Burimet bëjnë të ditur se shtetasi i gjetur është i gjinisë mashkull, është turist dhe qëndronte në një shtëpi private në lagjen numër 1 për disa ditë pushimi.
Personi është ende i paidentifikuar, dyshohet se është rreth moshës 70 vjeç dhe gjithashtu dyshohet se ka mbërritur në qytetin e Pogradecit pasditen e sotme, rreth orës 18:00.
Kanë qenë pronarët që kanë njoftuar policinë pasi kanë gjetur pa jetë turistin amerikan. Paraprakisht dyshohet që të ketë pësuar atak kardiak.
Njoftimi i policisë;
Pogradec/ Informacion paraprak
Rreth orës 21:40, në lagjen nr. 1 në Pogradec, në një banesë të marrë me qira, është gjetur i pajetë shtetasi amerikan A. H., rreth 68 vjeç.
Nga këqyrja paraprake e trupit nuk janë konstatuar shenja dhune dhe dyshohet se ka ndërruar jetë për shkaqe natyrale.
Grupi hetimor nën drejtimin e Prokurorisë po punon për përcaktimin e saktë të shkakut të humbjes së jetës së 68 vjeçarit.
