Drenova do të ndriçohet mbrëmjen e 28 korrikut nga koncerti “meloSimphony”, një ngjarje e veçantë muzikore që pritet të sjellë një përvojë unike për të gjithë të pranishmit. Nën mjeshtërinë e këngëtarit korçar Bledi Polena dhe tingujt e Orkestrës Simfonike të Forcave të Armatosura, koncerti do të sjellë melodinë tradicionale korçare për herë të parë në një dimension simfonik të ndërthurur me tinguj rock, nën drejtimin e dirigjentëve të njohur Laert Qazimi dhe Harlen Nikolli.
Në skenë do të ngjiten edhe artistë të tjerë të njohur si Bledar Sejko, Gert Hima dhe Ervin Telo, të cilët do të performojnë në këtë iniciativë që synon të promovojë trashëgiminë kulturore duke bashkuar traditën dhe modernen.
Një natë magjike nesër në Drenovë, ku muzika do të bashkojë të kaluarën me të tashmen në një harmoni të përsosur, tek Poli i Jugut në Drenovë në orën 20:00.
