Fermerët e Maliqit kanë njoftuar se do të dalin sërish në pritestë. Ja çfarë njoftojnë ata;
Njoftimi:
Beteja për bukë e gojës! Njoftim proteste!
Fermerë! Njerez të punës e sakrificës, koha të mos kthehemi pas, buka e fëmijëve tanë nuk mund të tallet nga askush.
Me traktora e mjete pune, familjarisht i madh e i vogel te bashkohemi ne date 31 Korrik, ora 09:00, ne kryqezimi i rruges Libonik – Drithas, aty në shesh masivisht të marrim vendim per ta kthyer përballjen tonë në fitore !
I kanë bërë llogaritë gabim, ne nuk kemi më çfarë humbasim, le të thërrasim mbarë Shqipërinë në betejën tonë për bukën e gojës ! – thuhet në një njoftim, ku fermerët lajmërojnë protestë.
Kujtojmë se para disa ditësh fermerët protestuan duke bllokuar segmentin e rrugës nacionale nga kryqëzimi i Drithasit deri në afërsi të fshatit Symiz, në aksin Korçë-Pogradec.
