Qafë Thana rekord kalimesh
Pika e Kalimit kufitar të qafë thanës rezulton zona kufitare me hyrje daljet më të mëdha nga fillimi i vitit e deri më sot. Sipas burimeve doganore nëse në 6 mujorshin e parë të 2023 në këtë pikë kalimi kufitar hynë dhe dolën rreth 600.000 mijë shtetas, e njëjta periudhë e 2024 i ka kaluar tashmë 1 milionë hyrje dalje.
Fluksi më i madh mbeten 3 muajt e verës, ku mesatarja ditore e hyrjeve në këtë pikë kalimi është mbi 4500 shtetas pjesa më e madhe e tyre turistë dhe pushues nga Maqedonia e Veriut por edhe vendet e Europës Lindore. Edhe këtë verë shumica e maqedonasve por edhe shqiptarëve të maqedonisë zgjedhin bregdetin shqiptar.
Sigurisht që në ditë me fluks ka edhe vonesa, pavarësisht se 3 muajt e verës punohet me 4 sportele. Vonesa që shkojnë nga 30 min deri në 40 min.
Ndërkohë policia kufitare konfirmon se në rastet e rradhëve të gjata është gjetur gjuha e përbashkët me palën maqedonase dhe procedohet me sistem të përshpejtuar pa kontrolle të gjata. Vetë në 15 ditët e fundit sipas shifrave në këtë pikë kalimi kufitare kanë hyrë gati 85 mijë shtetas ndërsa kanë dalë rreth 80 mijë të tillë.
