Ledjan Zeqollari sot është personaliteti më i spikatur i promovimit të vlerave etno – kulturore të trevës së Pogradecit e më gjërë , i këtyre vlerave të fjetura e të mbuluara nga smogu i harresës prej motesh e motesh .
U desh ardhja e këtij djali Mokrar , Drejtor në kabinetin e Kulturës në Bashkinë Pogradec , e këtij djali të arsimuar e me kulturë të gjërë profesionale , me vizione e me njohje të admirueshme në këtë fushë të shkencës që , pikturat , grafurat , fotot , etnografia dhe historia , etj , etj , të flasin gjuhën e kuptueshme për admiruesit e shumtë e njëkohësisht t’u jepen përgjigje enigmave të shumta mbi historikun Mokrar e Pogradecar .
Ledjani na bën krenar me euridicionin që zotëron , me këmbënguljen e admirueshme që e karakterizon , me këndvështrimin kurajoz që vështron historinë , me potencialin intelektual jashtëzakonisht të përparuar që mbart në qënien e Tij si NJERI PASIONANT në të gjitha drejtimet .
Në postimet e vazhdueshme të Ledjanit shikojmë seriozitetin e tij të jashtëzakonshëm për të qënë sa më afër realitetit historik nëpërmjet pasqyrimit të shumëllojshmërive të fotove , të pikturave , nga autorë sidomos të huaj që kanë prekur viset tona , krahinën e Mokrës sidomos .
Mbresa të pashlyeshme më ka lënë një foto e bërë gjatë Luftës së Parë Botërore ku është fotografuar lugina e Shkumbinit dhe Mali i Gjemthit dhe shikoj se për një shekull , maja e Gjemthit ( Pjesa shkëmbore ) është ngrënë nga erozioni dhe është rrumbullakosur goxha .
Këto foto të rralla janë zbuluar nëpër arkiva të muzeumeve të ndryshme të botës e falë Ledjan Zeqollarit na pasqyrohen falas me dashamirësve të artit , të kulturës e të historiografisë sonë .
Kur u mbajt një manifestim në përkujtim “të Kuvendit të Pajtimit të Gjaqeve” në Slabinjë , në stendën e pasur me dokumenta të rralle dhe autentike të siguruara nga Ledjan Zeqollari dhe falë ndihmesës së pakursyer të mësuesit dhe dashamirësit të artit , Agim Gorica , të gjithë të pranishmit u mahnitën nga kjo galeri e pasur fotografish të periudhave të ndryshme .
Është fat që , sot Sektori i Kulturës në Bashkinë Pogradec ka një personalitet kaq të angazhuar e kaq profesionist në krye të saj , por po kaq me fat ndjehet Mokra që ka rritur dhe ka edukuar birin e saj , djalin e saj me këto vlera të larta intelektuale e me këto vyrtyte njerëzore që na bën krenar ne si Mokrarë .
Ledjan Zeqollari përfaqëson të riun Mokrar , intelektualin e pajisur me dije dhe kulturë që çdo ditë e më tepër po u jep vlerë vlerave të panjohura deri dje .
Ledjani është vlerë për veten , por më shumë është vlerë për ne Mokrarët !
