Skënderbeu po kalon një moment shumë të vështirë në kampionat. Rezultatet janë larg pritshmërive që ishin në fillim të sezonit, ndërsa te skuadra juglindore pritet kthesa.
Ajo që ka rënë në sy në këto javë, ka qenë fati se korçarët nuk kanë stabilitet në skuadër, duke mos ruajtur dot avantazhin. Këtë e pranoi edhe vetë trajneri Ivan Gvozdenoviç në konferencën para ndeshjes me Egnatian.
“Nuk kemi vazhdimësi deri tani, rezultate nuk kemi, të tjerat i kemi, por tani të rëndësishme janë pikët. Nuk kemi nevojë të luajmë bukur, nuk kemi nevojë të flasim shumë, kemi nevojë vetëm për pikët. Sepse ne në ndeshjen e fundit kundër Partizanit, Dinamos, Tiranës ishim 1-0 për ne, 2-1 për Tiranën. 1-1 kundër Dinamos, 2-1 për Dinamon. Përgjegjësia dhe besimi duhet të shkojë më mirë për ne”. tha ai.
Gvozdenoviç vlerësoi maksimalisht Egnatian, por tha se edhe rrogozhinasit po përballen me probleme deri tani. Në fund, tekniku i Skënderbeut, deklaroi se ka besim të madh se këtë herë ekipi do të rikthehet të fitorja.
“Egnatia skuadër e mirë, e fortë por kjo është situata. Edhe ata kanë problem brenda pas dy humbje radhazi, është ndeshje shumë e fortë dhe e vështirë. Ne jemi gati, sot kemi stërvitjen e fundit, Juri dhe Tare filluan stërvitjen me grupin. Tani do shohim.
Çdo skuadër mendon për fitore, edhe Skënderbeu. 100% e sigurt është që do futim një skuadër për një besim pozitiv, pastaj si do dalim do flasim nesër më shumë. Do bëjmë lojë të fortë, do menaxhojmë situatën dhe do Zoti dalim me rezultat pozitiv”, deklaroi Gvozdenovic.
