Të gjithë personat që paguajnë sigurimin vullnetar në muajin janar duke mbuluar periudha kontributive për vitin 2025, do të kenë një zbritje prej 6% në vit.
Një gjë e tillë është bërë me dije nga specialisti i përfitimeve pranë Drejtorisë Rajonale të Sigurimeve Shoqërore në Korçë, Riza Ashimi, i cili thotë se ky muaj është një periudhë e mirë për të përfituar nga kjo hapësirë, edhe për të siguruar periudha kontributive, por edhe për të përfituar nga ulja prej 6% në pagesë.
Riza Ashimi, Specialist i Përfitimeve, DRSSH Korçë
Sigurimi vullnetar mbulon 3 fusha, atë për vitin aktual, për periudhën e kaluar si dhe sigurimin për më shumë të ardhura.
Gjatë vitit të kaluar në këtë skemë sigurimi janë përfshirë gati 300 persona në qarkun e Korçës.
