Dy persona u vranë dhe një tjetër u lëndua, pasi një nxënës kreu sulm me thikë në një shkollë në pjesën lindore të Sllovakisë, në qytezën Spissk Stara Ves.
Njëra nga viktimat është identifikuar si nëndrejtoresha e shkollës, ndërsa tjetra është studente, sipas Denník N.
Policia lokale tha fillimisht se i dyshuari – një nxënës 18-vjeçar i gjimnazit – ishte në arrati dhe u bëri thirrje njerëzve që të mos i afroheshin atij, raportojnë mediat ndërkombëtare.
Megjithatë, i dyshuari u kap pak më vonë.
“Ne e sigurojmë publikun se të gjitha masat e nevojshme janë duke u marrë për t’ju bërë që të ndiheni të sigurt” – tha policia sllovake.
Më tej, policia tha se viktimat e adoleshentit ishin dy nxënës dhe një mësimdhënës.
Mediat sllovake raportuan se sulmi ndodhi në qytezën Spissk Stara Ves me rreth dy mijë banorë, afër kufirit me Poloninë, rreth orës 13:00.
