Ermir Rashica thuajse e ka mbyllur aventurën te Skënderbeu. Sulmuesi nga Kosova, pritet të vazhdojë karrierën në Ukrainë.
Në tavolinën e klubit korçar ka mbërritur një ofertë e majme dhe e parefuzueshme. Sipas shtypit të shkruar, Metalist Kharkiv ka ofruar 800 mijë euro për shërbimet e sulmuesit. Te skuadra ukrainase, vetëm pak ditë më parë është transferuar një tjetër lojtar i Superiores, Cristian Mba.
Rashica do të luajë ndeshjen e fundit me Skënderbeun, teksa do të zbresë në fushë kundër Vllaznisë, ditën e nesërme. Menjëherë pas kësaj sfide do të udhëtojë drejt Ukrainës për të kopsitur të gjitha detajet e këtij transferimi dhe për të bërë edhe vizitat mjekësore, pasi marrëveshja mes klubeve është arritur.
