DVP Korçë
Në vijim të informacionit paraprak të dhënë ditën e djeshme, ku në aksin rrugor “Ersekë-Korçë”, drejtuesi i mjetit shtetasi E. I., humbi kontrollin mbi drejtimin e automjetit, dhe për pasojë automjeti doli nga rruga , ku ngeli i dëmtuar shtetasi E.I dhe bashkëshortja e tij, pasagjere në këtë automjet, iu informojmë se:
Specialistët e Qarkullimit Rrugor referuan materialet në Prokurori, ku filloi procedimi penal në gjendje të lirë për shtetasin E. I., 35 vjeç, banues në Luaras, Kolonjë, për veprën penale “Shkelja e rregullave të qarkullimit rrugor”
Specialistët e Hetimit të Krimeve në Komisariatin e Policisë Pogradec referuan materialet në Prokurori, ku filloi procedimi penal për një 16-vjeçar, pasi ka goditur me grusht një bashkëmoshatarin e tij, për motive të dobëta.
Po nga këta specialistë u referuan materialet në Prokurori, ku filloi procedimi penal për shtetasin P. M., 66 vjeç, pasi u kap duke kryer punime ndërtimi pa leje.
Specialistët e Hetimit të Krimeve në Komisariatin e Policisë Korçë referuan materialet në Prokurori, ku filloi procedimi penal për shtetasin O. Z., 46 vjeç, banues në Dërsnik, Korçë, pasi në banesën e tij u konstatua lidhje e paligjshme e energjisë elektrike.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
