Policia e Korçës ka vënë në pranga katër persona, të cilët janë kapur në shkelje të rënda të rregullave të qarkullimit rrugor.
Tre prej tyre, Jakup Emruli, 49 vjeç, Donald Deme, 38 vjeç dhe Lulëzim Çallo, 54 vjeç, u arrestuan pasi u kapën duke drejtuar automjetet në gjendje të dehur.
Ndërsa një tjetër rast u regjistrua në Libonik, Maliq, ku një 19-vjeçare, Boris Cenolli, e cila drejtonte një automjet pa leje drejtimi, u përplas me një tjetër makinë. Fatmirësisht, nga aksidenti pati vetëm dëme materiale.
Policia vijon kontrollet në akset rrugore për të parandaluar shkeljet dhe për të garantuar sigurinë e qytetarëve.
Njoftimi i policisë;
Specialistët e Sektorit të Qarkullimit rrugor arrestuan në flagrancë shtetasit:
J. E., 49 vjeç, D. D., 38 vjeç, dhe L. Ç., 54 vjeç, pasi u kapën duke drejtuar automjetet, në gjendje të dehur;
B. C., 19 vjeç, banuese në Libonik, Maliq, pasi automjeti që drejtonte pa leje drejtimi, është përplasur me një automjet tjetër. Nga përplasja janë shkaktuar vetëm dëme materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
