Trajneri i Skënderbeut, Ernest Gjoka, u shfaq tepër i lumtur, pas triumfit 0-3 që skuadra e tij arriti në transfertë ndaj Bylisit. Në prononcimin e dhënë për mikrofonin e “RTSH Sport”, tekniku kryeqytetas ndër të tjera u shpreh:
“Kur bëhen gjithë faktorët bashkë, loja, golat, je i kënaqur. Sot Skënderbeu e meritoi totalisht, dha gjithçka në fushë dhe morëm atë për të cilën kishim ardhur.
Personalisht mendoi që skuadra dhe gjithçka. I dinim pikat e forta të Bylisit. I bllokuam pikat e forta të tyre. Bylisi është një ekip që në fushën e tij ka bërë mirë.
Janë ndeshje shumë delikate. Rëndesa e madhe e fundit të tabelës nuk po na nxirrte te loja jonë. Ardhjet e reja tani po japin atë që duhet. Estrela, Sabo, Nasr, rikthimi i Nikajt, por edhe Juri, e kanë ndryshuar skuadrën në shumë drejtime.
Ardhjet e reja na sollën cilësi, por futbolli është proces, do kohën e vetë të përshtatjes. Me Laçin dhe Tiranën, morëm goditje të madhe. Ndeshja ndaj Egnatias, ishte e interpretuar si kjo e sotmja.
Mos konsumimi i lojtarëve në mesjavë na ndihmoi, sot kishim 10 lojtarë të freskët. Kam besim të madh që do ta realizojmë objektivin minimal të Skënderbeut. Kjo skuadër ka cilësi për të ecur përpara”, u shpreh Gjoka.
