Edhe 6-të javë të mbetura deri në fundin e kësaj superlige, e thënë ndryshe edhe 540 minuta dhe 18 pikë në lojë.
Ethet e fundtabelës duket se janë të mëdha, pasi tashmë përpara këtyre 6-të ndeshjeve të fundit janë plot pesë skuadra që rrezikojnë seriozisht rënien nga superliga. Nga Laçi, te Bylis, Tirana, Skënderbeu dhe Teuta, janë pesëshja nga e cila dy prej tyre do ti thonë lamtumirë direkt superligës së këtij sezoni dhe një tjetër do të luajë në “play-out”.
Vendi i fundit që mbahet nga Teuta dhe Skënderbeu janë 30 pikë, ndërkohë që vendi i gjashtë që mbahet nga Laçi është vetëm 3 pikë larg, pra 33 pikë. Në këto gjashtë ndeshje të fundit janë fatet e gjithë sezonit, ndërkohë që Skënderbeu në këto përballje 3 do ti luajë në shtëpi dhe po 3 në transfertë.
Teuta, Laçi dhe Egnatia janë tre përballjet jashtë shtëpisë, ndërkohë që bardhekuqtë presin në shtëpi Dinamon, Tiranën dhe Bylisin. Janë përballje vërtet të forta, ndërkohë që nga llogaritë e deritanishme në këto 6-të përballje duhen katër fitore dhe 1 barazim për të shpëtuar. E thënë edhe më ndryshe duhen 13 pikë në total në 6-të ndeshje dhe nëse ndodh Skënderbeu shkon në 43 pikë, aq sa në fakt do të siguronin përfundimisht qëndrimin.
Matematikisht janë të mundshme, por a do të arrijnë bardhekuqtë ti bëjnë realitet në fushën e lojës.
Le të shohim dhe të presim, tashmë fundi është në prag dhe nga 26 marsi deri në fundin e prillit Skënderbeu luan fatet e gjithë sezonit.
Forca “Ujqër”! Keni shanse t’ia dilni!
6-të javët e mbetura të superligës:
Java 31 Teuta-Skënderbeu
Java 32 Skënderbeu-Dinamo
Java 33 Laçi-Skënderbeu
Java 34 Skënderbeu-Tirana
Java 35 Egnatia-Skënderbeu
Java 36 Skënderbeu-Bylis
