Dy persona kanë mbetur të plagosur pasditen e së shtunës si pasojë e një konflikti fizike mes fqinjëve në lagjen nr. 8 të qytetit të Korçës, në zonën e njohur si Radanevi. Të dëmtuarit janë transportuar me urgjencë në Spitalin Rajonal të Korçës për të marrë ndihmën e nevojshme mjekësore.
Në këtë përplasje janë përfshirë gjithsej katër persona. Gjatë sherrit mes komshijve janë përdorur lopata dhe mjete të tjera të forta, ku si pasojë dy prej tyre kanë marrë dëmtime trupore.
Personat e plagosur ndodhen nën kujdesin e mjekëve në spitalin e qytetit, ndërsa autoritetet po punojnë për sqarimin e plotë të rrethanave të kësaj ngjarjeje.
Foto ilustruese.
