Katerina Taçi është e reja e cila lindi dhe u rrit Greqi ndërsa vitin e kaluar vendosi të braktiste shtetin helen për tokën e prindërve të saj, Shqipërisë.
Katerina hapi palestrën e parë për fëmijë dhe të kickboks, e para për qytetin e Korçës.
“Kam lindur në Greqi, jam rritur atje, sivjet në tetor u ktheva në Shqipëri se doja të hapja palestrën time sepse nuk kishte në Korçë. Gjithmonë doja të kthehesha në Shqipëri në një moment, me pëlqen shume dhe doja që mundimi im, origjinën time.. Atje kisha punuar në palestër, me duket se me mire ne Shqipëri”- u shpreh ajo.
Fëmijët sot po bëhen gjithmonë e më shumë të varur ndaj teknologjisë, ndaj Katerina vendosi t’u përkushtohej atyre ndërsa pati mbështetjen e familjes së saj.
“I dua shumë fëmijët, të vegjël kam nga 3-4 dhe rritet mosha. Janë nja 20 fëmijë. Jam shumë mirë, me pëlqen shume e shoh që vendi po përmirësohet. U gëzua se e Greqia tani nuk është aq mirë, por kur do të bësh diçka për vete, punën tende, do gëzohen e ata. Do jetoj ne Shqipëri, kesmet Zotit”– tha ndër të tjera Katerina.
Katerina kërkon të ndryshojë edhe një mentalitet e sjellë aktivitet tek fëmijët
“Mesa di unë është e para në Korçë, ka vetëm boks, marrin dhe vetëm fëmijët e mëdhenj, nuk kemi vënë sportin shqiptar në rutinën tonë. Djemtë ne futboll, çupat në shtëpi. Mos rrine me tablet por merrem me çdo sport”– përfundoi Katerina.
Katerina është e reja që vendosi të kthehej në Shqipëri në kohën kur shumë bashkmosharate të saj shqiptare po largohen nga vendi.
