Policia e qarkut të Korçës ka evidentuar disa raste shkeljesh ligjore gjatë 24 orëve të fundit:
– Specialistët e Qarkullimit Rrugor arrestuan në flagrancë shtetasin L. S., 33 vjeç, banues në Vreshtas, pasi u kap duke drejtuar një motomjet pa leje drejtimi. Gjithashtu, u referuan materialet në Prokurori për një 16-vjeçar, i cili u kap duke drejtuar automjetin pa patentë.
– Në Pogradec, specialistët për Hetimin e Krimeve shpallën në kërkim shtetasin E. L., 23 vjeç, banues në Pogradec, i dyshuar si autor i një vjedhjeje në një banesë në fshatin Mëmëlisht.
– Ndërkohë, në Maliq ka nisur procedimi penal për shtetasen Sh. Sh., 45 vjeçe, e cila dyshohet se ka dëmtuar disa pemë dekorative.
Materialet për të gjitha rastet i janë referuar Prokurorisë për veprime të mëtejshme ligjore.
