Bashkia Pogradec, në bashkëpunim me Njësinë Vendore të Kujdesit Shëndetësor (NJVKSH) Pogradec, ka vijuar gjatë javës së kaluar procesin e dezinsektimit përgjatë shëtitores së qytetit.
Ky proces synon të sigurojë një mjedis sa më të pastër, të shëndetshëm dhe komod për qytetarët dhe vizitorët, veçanërisht gjatë sezonit turistik.
Sipas autoriteteve lokale, dezinsektimi është një masë e rëndësishme për garantimin e higjienës dhe mbrojtjen nga insektet që mund të ndikojnë negativisht në cilësinë e jetës dhe shëndetin publik.
Bashkia Pogradec bën thirrje qytetarëve të tregojnë kujdes dhe bashkëpunim për të mbajtur ambientin e përbashkët të pastër dhe të sigurt, duke kontribuar kështu në imazhin turistik të qytetit.
