Prokuroria e Korçës ka lëshuar urdhër-arrest për Ilirjan Selmanin, i cili ishte ndaluar dje nga policia si autor i dyshuar i vrasjes së 52-vjeçares Kozeta Teço.
Gjatë marrjes në pyetje, Selmani ka mohuar përfshirjen në krim, por policia dhe prokuroria kanë arritur të grumbullojnë prova të mjaftueshme që dokumentojnë të gjithë dinamikën e ngjarjes, nga momenti i kryerjes së krimit deri te largimi i tij nga banesa e viktimës.
Hetimet paraprake tregojnë se Selmani, mbrëmjen e së dielës, ashtu si edhe netët e tjera, e kishte kaluar në shtëpinë e 52-vjeçares, me të cilën kishte një lidhje disa-vjeçare. Dyshohet se një konflikt i çastit mes çiftit ka përshkallëzuar në dhunë fizike, që përfundoi me vrasjen e Teços dhe më pas, djegien e banesës në tentativë për të fshehur gjurmët e krimit.
