Një ditë pastrimi është organizuar sot përgjatë rrugës nacionale në zonën e Podgories të Maliqit, ku banorë, të rinj dhe punonjës të institucioneve iu bashkuan thirrjes për një mjedis më të pastër dhe më të kujdesshëm ndaj natyrës.
Nisma synon jo vetëm pastrimin e hapësirave publike, por edhe ndërgjegjësimin qytetar mbi rëndësinë e mbajtjes së mjedisit të pastër.
“Le të bëhemi të gjithë pjesë e kësaj nisme për një mjedis sa më të pastër!” – është mesazhi që shoqëroi këtë aksion, i cili pritet të shtrihet edhe në zona të tjera të bashkisë në ditët në vijim.
