Arben Taravari, kryetar i Aleancës për Shqiptarët në Maqedoninë e Veriut, gjatë një vizite në Pogradec, reagoi ashpër ndaj thirrjeve anti-shqiptare të bëra ditët e fundit, duke i cilësuar ato si skandaloze dhe të orkestruara.
Në një deklaratë për mediat pas takimit me kryetarin e Bashkisë së Pogradecit, Taravari akuzoi kryeministrin maqedonas Hristijan Mickoski për gjuhë urrejtjeje, duke theksuar se një ditë para ndeshjes së basketbollit, ai kishte fyer publikisht shqiptarët. Sipas Taravarit, ndikimi i “botës serbe” është i pranishëm dhe i rrezikshëm në Maqedoninë e Veriut.
Pas këtij takimi, koalicioni “Besëlidhja e Aleancës Kombëtare për Integrim” pritet të zhvillojë takime edhe me krerët e bashkive të Korçës, Kolonjës dhe Pustecit.
