Këshilli i Qarkut Korçë ka zgjedhur në krye të institucionit z. Petrika Tollkuçi, i cili do të marrë drejtimin për mandatin e ardhshëm.
Ai pason në këtë post z. Erjon Nexhipi, që ka vendosur të largohet nga detyra për t’u bashkuar me familjen e tij në Kanada. Gjatë dy viteve në krye të Këshillit, Nexhipi është vlerësuar për angazhimin e tij në projekte sociale, mbështetjen për të rinjtë, përkujdesjen ndaj moshës së tretë, si dhe nxitjen e turizmit dhe zhvillimit rajonal.
Zgjedhja e Tollkuçit pritet të hapë një etapë të re në drejtimin e qarkut, duke vijuar mbi bazat e vendosura nga mandati i kaluar.
