Klubi i futbollit Skënderbeu ka zyrtarizuar afrimin e mbrojtësit 25-vjeçar Massimiliano Doda, duke shtuar një alternativë të re në prapavijë për sezonin e ri.
Futbollisti vjen te skuadra korçare pas disa eksperiencave të mëparshme, ku mes tyre spikat ajo me klubin italian Palermo FC. Gjithashtu, Doda ka qenë pjesë e kombëtareve të moshave dhe pritet të sjellë më shumë përvojë e konkurrencë në repartin e mbrojtjes.
Përforcim për prapavijën bardhekuqe
KF Skënderbeu është klubi historik i futbollit të Korçës dhe disa herë kampion i Shqipërisë gjatë viteve 2010-2018, ndërsa afrimi i Dodës synon rritjen e cilësisë në organikën e ekipit.
