Një person ka mbetur i plagosur me armë zjarri në qytetin e Korçës, ndërsa forcat e rendit kanë identifikuar dhe shpallur në kërkim autorin e dyshuar të ngjarjes.
I dëmtuari nga kjo ngjarje është identifikuar si shtetasi me iniciale Dh. Sh. Sipas të dhënave paraprake, ai ka marrë një plagë në këmbë dhe aktualisht ndodhet nën kujdesin e mjekëve, jashtë rrezikut për jetën.
Policia e Korçës ka bërë të ditur se vijon puna intensive në terren për lokalizimin dhe kapjen e të dyshuarit, ndërkohë që po punohet për zbardhjen e plotë të rrethanave dhe motiveve të ngjarjes.
