Investimi prej 3.4 milionë eurosh me fonde europiane dhe publike për zhvillimin e turizmit në Dardhë, Arrëz, Sinicë dhe Nikolicë ka pësuar ndërprerje dhe rishikim të projekteve në terren.
Në kuadër të këtij investimi ishte parashikuar edhe “Dardha Zipline”, me një vlerë prej rreth 580 mijë eurosh me TVSH, punimet e të cilit nisën, por u ndërprenë dhe aktualisht nuk ka një datë përfundimi. Shkak për pezullimin është bërë njoftimi i një tjetër projekti turistik në zonë, çka kërkon rishikimin e projektit ekzistues.
Fondi Shqiptar i Zhvillimit ka deklaruar se deri më tani nuk ka paguar asnjë lek për kontraktorin e “Dardha Zipline”, ndërkohë që punimet kishin nisur. Ndërsa institucionet rishikojnë projektet në zyra, investimet e premtuara në terren vijojnë të mbeten në pritje.
