Për Bashkinë e Korçës turizmi mbetet një nga prioritetet e saj zhvillimore në çdo stinë të saj.
Në qendër të qytetit është vendosur INFO POINT KORÇA ku turistët të marin informacionin e nevojshëm mbi qytetin dhe pikat kyçe që duhen vizituar.
Esmerald Xhafa përmes një postimi tregon se turizmi në Korçë është në gjumë letargjik dhe se punonjësit e kanë kthyer atë zyrë në një depo magazinimi.
“Kjo është INFO POINT e kthyer në një vendmagazinimi rrangullirash”
Mjafton të kalosh aty pranë dhe shihet fare qartë se kjo zyrë nuk funksionon.
“Turizmi në Korçë në gjumë letargjik. Sektori i hoteleri turizmit në vitin e tij më të keq edhe nëse e krahasojmë me vitet 2017 – 2018. Sfidoj çdo punonjës të Bashkisë Korçë deri tek kryetari i saj në debat dhe përballje televizive me shifra konkrete dhe jo me të dhëna fiktive që mblidhen për t’u ngopur me lugën bosh tek “Info Point” që shet suvenire,” – ka shkuar Esmerald Xhafa.
A është në rrugën e duhur turizmi në Korçë?
Apo ndiqen politikat e duhura për ta zhvilluar më tej qytetin në këtë fushë?
