Lufta e (nuseve) shoferëve në polici
Kur bëhen 8 muaj në krye të drejtorisë së përgjithshme të policisë së shtetit, kryepolici, ngjarjet pa autor i ka bërë si ato fotot në fcb që fshihen pa lënë gjurmë. Si ato rraqet e vjetra që hidhen dhe sdo tja dijë askush më.
E tillë ishte goditja e tv kombëtar Top Channel ku për nga përmasat është si të godasësh godinën e Kryeministrisë dhe autorët mos të gjenden.
Mos të mjaftonte kjo rraqet e vjetra të policisë thonë se arrestuam një të burgosur e që medemek ka sjellë targat e makinës që u përdor në atentatin e Don Boskos ku mbeti e vrarë një nënë e pafajshme.
Unë nuk e di pse është kaq e rëndësishme të thuash targat kur nuk ke asgjë mbi autorët. Sërish rraqet e vjetra nuk kanë asgjë mbi rrëmbimet dhe zhdukjet e personave në Sarandë.
Këto zhdukjet e personave ditën për diell në Shqipëri janë bërë të zakonshme dhe rraqet e vjetra ngaqë kanë këtë mentalitet të vjetëruar kanë çuar në zgrip deri në zhdukje dhe qentë e specializuar për gjetjen e kufomave. Ka arritur deri aty sa dëgjohen çudira nëpër studio se si do gjehen!!
Por edhe pse ngjarje te tilla ka kaq shumë ajo që të bën përshtypje është se si drejtuesit e policisë nuk harrojnë të mbajnë nga 2 deri në 4 shoferë automjetesh e në polici nuk kanë mbetur njerëz për të hetuar krime.
E kuptoj që drejtori i përgjithshëm ka 2 shoferë por nuk arrij të kuptoj se si ai i Tiranës numëron 4 të tillë e bashkë me zv/ drejtorin e Tiranës që ka 3 shoferë bëhen 7 drejtues.
Komisariati nr 2 me 3 drejtues automjetesh për shefin ndërsa ai i komisariatit nr 1 me 2 drejtues automjetesh. Për 5 pozicione në policinë e shtetit ka në total 14 drejtues automjetesh ndërsa historia është e njëjtë dhe për shefat e tjerë të komisariateve.
Për rrëmbime që ndërpriten kërkimet apo dhe ngjarje që arrestohen të arrestuar nuk bëhet asgjë ama për shoferët ka luftë.
Po përse ndodh diçka e tillë?
Ndodh se historiku në policinë e shtetit ka treguar se ata që kanë qenë shoferë në një moment u bënë drejtorë në policinë e shtetit.
Po si prisni të zbardhen ngjarjet në këtë vend kur paratë për investime bëhen trajnime e sallat operative janë si në kohën e “Qepës”, si prisni që efektivi që ndërhyri në zonën e astirit kur parandaloi një ngjarje në vend që ta promovonin e degdisën kushedi se ku deri sa e la policinë, si prisni që në këtë polici që është bërë si rraqe e vjetër dhe me të drejtë një efektiv nxori shprehjen “E nisa policinë me këta drejtues e po e përfundoj po me këta drejtues!!”
