Dhimitër Orgocka, amaneti që dha, premtimet e pambajtura.
“Para se të vdes, ma bëni këtë pallat kulture e pastaj do iki i qetë nga kjo botë” – ishin fjalët e mjeshtrit të madh të kulturës, artit, skenës dhe regjisë, Dhimitër Orgocka.
Pallati i Kulturës Maliq, i cili mban emrin e të madhit Orgocka do të perfshihej nga flakët para disa viteve, duke u shkrumbuar totalisht.
Në vitin 2017 premtimi i parë erdhi nga kryeministri Edi Rama, në 2019 po nga i njëjti person ndërkohë që Gëzim Topçiu do të zotohej se brenda dy viteve problemi do të merrte zgjidhje.
Orgocka iku nga kjo jetë i mërzitur dhe mllefosur, sepse emri i tij i skalitur në majë të pallatit do të ishte gjysmë i djegur dhe premtimet askush nuk po i mbante.
Amanetin e dha, por e si te shenjtë që janë të tilla kërkesa, nuk po plotësohen, mbase sepse nuk duan t’ia dinë për shenjtërinë e të tilla kërkesave.
Dhimitër Orgocka sot me siguri sheh nga qielli i mërzitur, sepse i shenjtë do të ngelet vetëm ai dhe puna e tij, ndërsa ata që premtojnë janë mëkatarët e këtij populli, që së fundmi, do duhet të vuajë pasojat e mëkateve të tyre
