Mesditën e sotme ka ndodhur një aksident në aksin rrugor Korçë-Pogradec, në afërsi të fshatit Bulgarec, ku drejtuesi i mjetit ka përplasur një këmbësor, i cili u dërgua në spitalin e Korçës dhe ndodhet jashtë rrezikut për jetën.
Kujtojmë se ditën e djeshme ndodhi një tjetër aksident në këtë aks rrugor.
Ja deklarata e Policisë;
Korçë/Informacion paraprak
Më datë 30.06.2023, rreth orës 13:00, në aksin rrugor Korçë-Pogradec, pranë fshatit Bulgarec, shtetasi J. K., 39 vjeç, duke drejtuar automjetin tip “Seat”, dyshohet se ka aksidentuar shtetasin G. H., rreth 58 vjeç, këmbësor në rrugë, i cili u dërgua në spitalin e Korçës, ku ndodhet jashtë rrezikut për jetën.
Me drejtuesin e automjetit shtetasin J. K., po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.
