Juglindja e vendit është përballur me një situatë alarmante në tri ditët e fundit, ku një seri aksidentesh kanë shkaktuar një viktimë dhe shtatë të plagosur.
Në fshatin Zemblak, një 24-vjeçare humbi jetën tragjikisht, ndërsa drejtuesi i mjetit me të cilin udhëtonte mbeti i plagosur. Në një tjetër aksident, në kryqëzimin e fshatit Zvirinë, një nënë dhe i biri mbeten te plagosur rende teksa udhëtonin me motor.
Sot, në Hudenisht, një çift bashkëshortësh dhe dy fëmijët e tyre mbetën të plagosur pas përplasjes së mjetit me të cilin po udhëtonin. Përveç këtyre ngjarjeve, gjatë ditëve të fundit janë shënuar edhe të paktën pesë aksidente të tjera me dëme materiale.
Sipas Policisë Rrugore, shkaku kryesor i këtyre aksidenteve është mosrespektimi i sinjalistikës rrugore. Autoritetet apelojnë për më shumë kujdes dhe respektim të rregullave të qarkullimit për të shmangur ngjarje të tilla aq me teper me nje fluks ne levizje te akset kryesore te juglindjes.
